NovetaMiN NMN 孵化嘅地方

香港科學園

香港科學園 - 係我哋 Enzyme Design 孵化及成長嘅地方，同時，我哋公司嘅 NMN 就係喺呢度研發出嚟。可能大家未必知道一個生物化學實驗室平時做啲乜嘢工作，等我又同大家簡單介紹吓。
 
生物化學實驗室日常工作
生物化學實驗室係進行生物分子研究嘅重要地方。呢度嘅日常工作包括準備試劑、分析結果以及儀器維護與安全嘅多個步驟，每一個步驟都會直接影響最終科學發現嘅結果。以下會為大家介紹係生物化學實驗室日常幾個主要方面嘅工作。
一切的開始

試劑/培養基準備

每日朝早番 lab，先要檢查一下尋日記錄，考慮/計劃當天實驗之餘，為咗確保實驗答案準確，每日準備新鮮試劑/培養基係實驗室工作嘅第一步。

核心精神與目的

實驗設計與執行

根據研究目標，設計整個實驗嘅藍圖，往往好嘅設計能讓後續執行與分析事半功倍。我哋需要明確定義問題同目標；進行文獻搜尋與背景研究；確立假設同變數；確定實驗材料與方法。
 
實驗執行時嚴格按照程序進行，即時同有系統記錄數據。
思考進程

數據分析

數據分析係理解實驗結果關鍵步驟，包括整理實驗數據與清理異常值，統計分析實驗答案，從中尋找數據的趨勢和模式。

成敗關鍵

結果報告與討論

實驗完成後，結果需要進行報告同討論，證明假設的合理性，是否擁有支持因果關係嘅證據，更應該考慮實驗的限制、變數和樣本代表性等問題。

日常保養

儀器維護與安全

所謂「工欲善其事，必先利其器」，實驗室裏面有不少林林總總大小不同的設備和儀器，就好似我哋身體嘅手腳一樣，必須要小心保養同維護，保持佢哋 keep 住最佳狀態。

而最重要嘅係實驗室安全，所有牽涉到有安全隱患的設備和儀器每年都需要做年檢，確保我哋實驗環境安全；另外，每位研究團隊成員都需要經過實驗室安全訓練，確保自己身邊成員都係安全嘅條件下工作。

呢啲日常工作構成咗生物化學實驗室運作嘅基礎，確保研究嘅有效性同安全性。多謝我哋一班研究團隊一直嘅努力，先可以研發出更安全、更有效嘅研究成果俾大家。